13-Dec-2022 غیر عنوان -
حجۃ الاسلام
""""""""""
❣️❣️
ہے تیری مدح مِرا کام حجۃ الاسلام
یہ زندگی ہے تِرے نام حجۃ الاسلام
کبھی جو خواب میں جلوہ دکھا دو مجھ کو تم
تو دل سے دُور ہوں آلام ، حجۃ الاسلام
کسی نے پوچھا ، بَتا کِس سے پیار ہے تجھ کو
میں بولا ، حجۃ الاسلام حجۃ الاسلام
غموں نے کر دیا کمزور مجھ کو حد سے سِوا
میں گِر رہا ہوں ، مجھے تھام حجۃ الاسلام
سرورِ عشقِ پیمبر نہ عمر بھر اترے
پلا دو ایسا مجھے جام حجۃ الاسلام
کئی برس ہوئے پر اب بھی تیری ہیبت سے
ہے کفر لرزہ براندام حجۃ الاسلام
اگر تمہاری گلی میں ٹھکانہ مِل جائے
تو دردِ دل کو ہو آرام حجۃ الاسلام
ہمیں نہیں ہے کسی بادشاہ کا کچھ ڈر
کہ ہم تمہارے ہیں خُدّام حجۃ الاسلام
دعا ہے ، آپ کے نقشِ قدم پہ ہی گزریں
ہماری عمر کے اَیّام حجۃ الاسلام
تمہارا عشق وہ سورج ہے جس سے لے کر نور
چمک اٹھے کئی گمنام ، حجۃ الاسلام
تمہارے فیض کی ہے ڈھال میرے ہاتھوں میں
عدو تو ہوں گے ہی ناکام ، حجۃ الاسلام
تمہارے پوتے نے توصیفؔ کو خرید لیا
تو کیوں نہ اِس کا بڑھے دام حجۃ الاسلام
""""""""""
✍️از۔ توصیف رضا رضوی باتھ اصلی سیتامڑھی بہار
+91 9594346926
